国语版：《小圆鸡蛋》ID：148320

我哋之间，隔住一只荷包蛋、一碟豉油鸡、仲有一笼叉烧包、同埋嗰条冚极都唔够冚嘅拉舍尔……

01:05闹钟/关闹钟/翻身

胡曼怡：（焗係枕头度）……几点了。

陈嘉俊：（明显未瞓醒）十点半。

胡曼怡：​ 你今日唔係要出门咩。

陈嘉俊：​改咗行程，下个星期再去。

胡曼怡：（再黐埋啲）……哦，咁你今日成日都係我噶喇。

陈嘉俊：（抱紧）嗯，整个人都係你噶，再瞓多阵。

安静几秒

陈嘉俊：​ 你琴日话想食嗰间肠粉。

胡曼怡：​ 嗯，但係太远喇。

陈嘉俊：​ 唔远，揸车十分钟。

胡曼怡：​ 难得休息，你瞓多阵啦。

陈嘉俊：​ 你陪我去，我就起身。

胡曼怡：​ ……咁我陪你。

02:12起身

胡曼怡：（赤脚踩落地）……好冻。

陈嘉俊：​ 床头有对袜，着咗先。

胡曼怡：​ 你几时放噶？

陈嘉俊：​ 昨晚。你上次说地板冻。

胡曼怡：​ ……我随口讲嘅。

陈嘉俊：​ 你随口讲嘅嘢仲少咩。

02:36穿拖鞋/走到厨房

胡曼怡：​ ……我个头係咪好乱啊？

陈嘉俊：（在厨房里面，没回头）嗯。

胡曼怡：​ 你就唔可以话"都ok啊"？

陈嘉俊：​ 你琴日讲，话"不准呃我"。

胡曼怡：​ ……那你可以话"无论你点样都係最靓噶"。

陈嘉俊：​ 你又话"不许敷衍"。

胡曼怡：​ 咁我究竟要你点讲喔！

陈嘉俊：（关小火，转过身看她）你头发乱糟糟、对眼都未擘开、着住我嗰件大咗两个size嘅T恤，好靓。

胡曼怡：（愣住）……你几时学识埋晒呢啲噶。

陈嘉俊：​ 同你学噶。

胡曼怡：​ 我几时有教你喔！

陈嘉俊：​ 你冇教。你自己讲嘅。上次视频你问我"我今天靓唔靓？"，我说"好靓"，你说"我敷衍"，我记低咗喇。

胡曼怡：（小声）……边有人记性咁好噶。

胡曼怡：（挨喺门框望住佢嘅背影）……你今日着嗰间件灰色T喺边啊？

03:49重新开火

陈嘉俊：（揸起鑊铲）衣柜左边第三件。

胡曼怡：​ 我要穿嗰件。

陈嘉俊：​ 嗰件我噶。

胡曼怡：​ 借嚟着下。

陈嘉俊：​ 你着我啲衫仲积极过着自己啲衫。

胡曼怡：​ 因为你啲衫软熟。

陈嘉俊：​ ……你上次係咁讲，跟住着咗成日都冇还。

胡曼怡：​ 嗰件我洗干净还咗畀你喇。

陈嘉俊：​ 折都冇折，一堆嘢咁塞咗落我枕头底。

胡曼怡：​ ……人哋呢啲叫艺术摆放。

陈嘉俊：（笑）得，艺术。得喇，出去等食啦，啲油弹到周围都係。

胡曼怡：​ 我又唔係未见过——

陈嘉俊：上次你被油溅咗一下，闹咗我半粒钟。

胡曼怡：嗰次係啲油太过分喇！

陈嘉俊：係，啲油太过分。

04:46 行路/放碟

胡曼怡：（行过去望住个鑊）……你煎鸡蛋点解係圆嘅。

陈嘉俊：练过噶。

胡曼怡：练咗几耐啊？

陈嘉俊：你走咗之后每日都练。

胡曼怡：……就为咗煎只荷包蛋？

陈嘉俊：你讲过好睇嘅蛋食起身比较香。

胡曼怡：（沉默两秒）……我随口讲嘅。

陈嘉俊：我知啊。

胡曼怡：（行过去望住个鑊）你开几大火啊？

陈嘉俊：中细火。

胡曼怡：你上次黐底就係太大火喇。

陈嘉俊：上次係平底鑊，唔一样噶。

胡曼怡：鑊仲有唔同嘅？

陈嘉俊：不粘锅同铁鑊火候唔同，你唔识噶喇。

胡曼怡：咁我学。

陈嘉俊：你学咩啊？

胡曼怡：学煎蛋咯。

陈嘉俊：听日教你。

胡曼怡：点解唔係今日喔。

陈嘉俊：今日我煎。听日你煎，我睇住。后日你煎，我食。

胡曼怡：……你算盘打太响喇，我喺厅都听到喇。

陈嘉俊：啱晒，我懒得解释。

05:59 去餐台

胡曼怡：（咬咗一啖）……ok喔。

陈嘉俊：ok喔？

胡曼怡：蛋黄如果再多啲溏心就更加好喇。

陈嘉俊：听日改。

胡曼怡：后日我想食溏心少啲嘅。

陈嘉俊：得。

胡曼怡：大后天呢……

陈嘉俊：你点菜啊？

胡曼怡：反正你煮。

陈嘉俊：（伸手抹走佢嘴角啲蛋黄）嗯，反正我煮。

胡曼怡：（愣咗一下，低头继续食）……你只手係咪辣亲啊？

陈嘉俊：冇啊。

胡曼怡：讲大话，你右手食指红晒喇。

陈嘉俊：……你对眼係显微镜嚟噶？

胡曼怡：你上次又係辣亲，仲收收埋埋。以后戴手套啊。

陈嘉俊：大热天戴手套煎蛋？

胡曼怡：咁等我煮。

陈嘉俊：你上次将个鑊烧燶底。

胡曼怡：嗰次係鑊嘅问题！

陈嘉俊：得，鑊嘅问题。

07:02 沉默吃饭

胡曼怡：（突然）陈嘉俊。

陈嘉俊：嗯。

胡曼怡：你话以后我哋真係住埋一齐，会唔会嗌交。

陈嘉俊：会。

胡曼怡：……你就唔可以讲唔会嘅。

陈嘉俊：会嗌。你嘢乱掟，我有洁癖；你捱夜，我瞓得早；你叫外卖唔睇评价，我——（被打断）

胡曼怡：停停停。

陈嘉俊：但係嗌完你肯定会开口先。

胡曼怡：点解係我啊？！

陈嘉俊：因为你嘴硬唔超过三粒钟。

胡曼怡：……边个讲噶！

陈嘉俊：上次你嗌生嗌死话「再都唔理你」，两粒钟零十七分钟。

胡曼怡：你计时？！

陈嘉俊：嗯。仲set咗闹钟，惊你谷坏。

胡曼怡：（将抱枕掟过去）陈嘉俊你真係……

陈嘉俊：（接住枕头，低声温柔）但係冇所谓啦。嗌完你都会黐埋嚟，会叫我煎蛋，仲会讲「是但你」。我等住就得喇。

胡曼怡：……你等咩。

陈嘉俊：等你过嚟咯。

胡曼怡：（细声）……我而家就喺度。

陈嘉俊：我知啊。

08:34 碗筷收起

胡曼怡：晏昼你想做咩啊？

陈嘉俊：你定。

胡曼怡：我想睇出戏。

陈嘉俊：得。

胡曼怡：你唔准拣，你上次拣咗套纪录片。

陈嘉俊：嗰套几好㗎。

胡曼怡：讲企鹅嘅。

陈嘉俊：企鹅有咩问题啊？

胡曼怡：我要睇爱情片。

陈嘉俊：……得。

胡曼怡：你唔准笑。

陈嘉俊：我冇笑。

胡曼怡：你苹果肌喐咗。

陈嘉俊：嗰度係面瘫。

胡曼怡：……你一啲都唔乖。

09:16 沙发躺下盖毯子

胡曼怡：（黐埋去）……以后日日都係咁？

陈嘉俊：係？点样啊？

胡曼怡：就……朝早你煎鸡蛋，之后一齐挨喺沙发度睇戏，跟住——

陈嘉俊：跟住你就嚟抢我张毯。

胡曼怡：我边有抢喔！

陈嘉俊：你每次都卷走三分二。

胡曼怡：……嗰听日买大一码。

陈嘉俊：买两张啦。

胡曼怡：咁边叫一齐冚喔。

陈嘉俊：（将佢揽入怀）咁就一张。

电影开场，片头音乐渐入

09:58 遥控器按键声

胡曼怡：呢出咩嚟噶？

陈嘉俊：你唔係要睇爱情片咩。

胡曼怡：嗯……呢出叫咩名啊？

陈嘉俊：《她比烟花寂寞》。

胡曼怡：……咦~个名咁似恐怖片嘅。

陈嘉俊：係～爱情片啩。大概？

胡曼怡：你Sure？

陈嘉俊：唔Sure噶。

胡曼怡：陈嘉俊！！

陈嘉俊：（转台/遥控器声）得，换一个。

新电影开始播放

10:37 钢琴入

胡曼怡：呢部戏几好啊。

陈嘉俊：嗯。

（睇戏中停顿两秒）

胡曼怡：……佢点解唔要佢啊。

陈嘉俊：佢惊阻住佢咯。

胡曼怡：咁佢有冇谂过，佢可能就係想畀佢阻住咧。

陈嘉俊：（低头睇佢）……嗯。

胡曼怡：你望住我做咩喔？

陈嘉俊：冇咩啊。

胡曼怡：你望实我喔。

陈嘉俊：出戏唔好睇咩？

胡曼怡：ok嘅。

陈嘉俊：咁继续睇戏。

胡曼怡：……你个心，跳得好快。

陈嘉俊：啱啱食完饭，消化紧啫。

胡曼怡：呃鬼啊。

陈嘉俊：咁你听下你自己嘅。

胡曼怡：（沉默两秒）……都几快喔。

陈嘉俊：嗰扯平喇。

电影继续/电视里传来雨声

胡曼怡：（脚搭喺佢大肶度）……你对脚都係冻嘅。

陈嘉俊：唔係我，係你脚冻。

胡曼怡：明明係你冻。

陈嘉俊：（握实佢两只脚）咁揽实啲。

胡曼怡：……你对手都係冻嘅。

陈嘉俊：咁边个都唔好濑边个。

安静/电影接近尾声/音乐渐弱

12:24 新音乐入

胡曼怡：（懵懵猪）……结局係咩啊。

陈嘉俊：喺埋一齐喇。

胡曼怡：真係嘅？

陈嘉俊：假嘅，我随口噏。

胡曼怡：……你！

陈嘉俊：真係一齐咗喇。咪打，摆低对手啦。

胡曼怡：（缩入张毯里面）……我冇瞓着噶。

陈嘉俊：嗯，冇瞓着。

胡曼怡：你唞气声太大喇。

陈嘉俊：我唞气不嬲都係咁噶。

胡曼怡：以前都唔觉嘅。

陈嘉俊：以前都冇黐咁埋。

胡曼怡：……边个黐你喔。

陈嘉俊：你咯。

胡曼怡：张毯细得制。

陈嘉俊：嗯，张毯嘅问题。

胡曼怡：……你又嚟喇。

胡曼怡：你唔好关电视啊。

陈嘉俊：冇关。

胡曼怡：……听日早餐我想食饺子。

陈嘉俊：好。

胡曼怡：我要你自己包嗰啲。

陈嘉俊：……你当我係五星大厨啊？

胡曼怡：你上次话识包嘅。

陈嘉俊：我讲嘅係「学过」。

胡曼怡：咁学过咪识咯。

陈嘉俊：学过同识之间隔住个太平洋啊。

胡曼怡：咁我等你。

陈嘉俊：……得，听日你去买饺子皮。

胡曼怡：点解係我喔。

陈嘉俊：因为你起身晏，当晨运。

胡曼怡：我听日要瞓～懒～觉。

陈嘉俊：咁饺子改后日。

胡曼怡：……你专登嘅。

陈嘉俊：嗯，专登嘅。

14:12 安静/毯子窸窣声

胡曼怡：（细声）陈嘉俊。

陈嘉俊：嗯。

胡曼怡：你头先话结局係随口噏。

陈嘉俊：嗯。

胡曼怡：……我哋嘅结局，你唔准随口噏。

陈嘉俊：（沉默两秒）唔乱噏。

胡曼怡：讲真？

陈嘉俊：讲真。

胡曼怡：（轻笑）……嗰我当真噶喇。

陈嘉俊：咁梗係啦。

安静两秒，窗外汽车开过嘅声音

胡曼怡：……早唞。

陈嘉俊：早唞。

安静好耐……

胡曼怡：……陈嘉俊。

陈嘉俊：点啊bb？

胡曼怡：冇嘢啊。就係想嗌下你。

陈嘉俊：（收紧手臂）……嗯，我喺度。