【粤语】孖生鏡像

林烬雪：听闻你又攞咗年度最佳新人奖？啧啧，每次上台攞奖嗰阵对住镜头扮晒正经讲乜机会平等，你摸下你个心，呢啲说话由你个嘴讲出嚟，唔觉得好讽刺咩？

傅明曦：我企到呢个位，系搏到拆埋骨、捱足无数个日夜换返嚟噶！每场表演、每次练习，边样唔系我自己搏晒命争返嚟噶？

林烬雪：搏命？唔好笑死我啦！你叹住暖气喺琴房优雅练琴嗰阵，我喺零下十度嘅夜市冻到脚趾都唔识郁，仲要周围走佬避城管；你喺选秀节目威到爆嗰阵，我为咗鸡碎咁多嘅八百蚊通告费，喺冷风中硬晒一成日，畀啲三流网红做透明人肉布景板！你讲嘅公平，咪就系踩住我哋啲人嘅血同肉，编织出嚟呃鬼食豆腐嘅华丽说话啰！

傅明曦：就算大家起跑线唔同，你都唔好用啲阴质招嚟害我啊！如果我哋公平斗过……

林烬雪：公平斗？你！天之娇女，大导演捧到上心口，试镜机会自动送埋上门啦！我呢？为咗个茄哩啡角色，畀制片逼住陪酒，畀导演揩油潜规则！上个月你喺节目度，对住镜头饮毒鸡汤扮正能量，话乜坚持就有回报，你知唔知台下坐住几多女仔畀潜规则毁咗一世？佢哋流嘅眼泪、绝望到死嘅心，喺你眼入边系乜水货啊？

傅明曦：呢啲都系个别case啫，呢个世界仲系有好多人靠实力成功㗎。

林烬雪：个别case？擘（maak3）大对牛眼睇清楚！我块面上呢道疤点嚟㗎？嗰日导演发晒癫，拎住酒樽要劈你，仲话咁靓嘅样，花咗就嘥（saai1）料啦，跟住转头寸我，我呢啲烂货，毁咗都冇人肉赤！我帮你挡住嗰一下，换嚟咩？系畀剧组炒左、连医药费都没比！呢啲就系你成日挂系口讲嘅公平？

傅明曦：我…… 我真系唔知会搞成咁！我补偿返你啊，只要我做得到……

林烬雪：补偿？你颈上条颈链，都够我阿妈做十次透析！你一句补偿就想当无野？我阿爸畀地下钱庄逼到跳楼嘅债、我试镜畀咸猪手摸大腿嘅委屈，你一句说话就想抹走？你摸下你个心，同我讲清楚，呢个世界边度有公平啊！

傅明曦：但你用啲阴质招，只会害埋你自己啫！

林烬雪：阴质招？睇真啲！你知唔知你导师个女留学嘅位点到手噶？你经纪人老婆间公司招标点解咁顺利？你赞助商个情妇住嘅豪华别墅背后有几多见唔得光嘅交易？呢啲先至系娱乐圈嘅公平竞争！我唔想清清白白做人咩？但我饿到去垃圾桶执嘢食嗰阵，你喺米芝莲餐厅叉住牛扒扮优雅，仲喺啲社交网度扮晒幸福，呢种幸福对我嚟讲，咪就系对我赤裸嘅嘲笑咯！

傅明曦：所以你就变左？变成自己曾经憎到爆嘅嗰种人？

林烬雪：变左？我只系睇穿呢个世界嘅衰样！呢度从来都系人食人的地方！你可以晒住太阳企喺有光嘅地方，只系因为有人帮你挡住曱甴喳！你以为你自己好干净咩，只系因为污嘈嘢全部畀隔喺你个世界外喳！下次再讲公平，记住照镜睇清楚，你踩住几多人嘅梦想同尊严！

傅明曦：咁你想点啊？继续害人？想证明乜？

林烬雪：我要将你哋呢啲假仁假义嘅成功人士，全部扯落我呢个烂泥潭度！等全世界都睇清楚，呢个娱乐圈风光背后其实污糟到出汁！最搞笑系乜？系我做咁多衰野，而家红过你搏足十年！呵！你信嘅公平，咪就系个大烂gag咯！

傅明曦：我知呢个世界有好多阴质位，但总有啲人喺努力去搞掂，总有人信正义同公平……

林烬雪：收皮啦！唔好拎啲烂大街嘅鸡汤凼（tam2）我啦！等有日你畀资本玩到身不由己、畀世界踩到贴地嗰阵，你就知咩叫公平—— 咪就系强者画畀弱者、点食都食唔到嘅大饼啰！你就继续享受你嘅公平人生啦，下次见面，我绝对唔会留手！

傅明曦：（混响）唔通呢个世界，真系冇公平嘅？

林烬雪：（混响）公平？我哋一出世，命运嘅剧本一早就写好啦。你系主角，我只系衬托你嘅配角，我仲可以想点啊？

歌词起入

傅明曦：我唔信！我唔信！就算呢世界衰到贴地，我都要搵到真正嘅公平！