女人真係麻鬼烦

——生活情感剧情歌

同一段词里的不换人，对话对完！！

下一段，换人！！！

原创作品

编剧 / 后期 ：墨岚ぃ

监制 / 粤稿翻译  ：JM 阿紫 树下轻语

 报幕 ：JM 左左

注

未經允許，禁止轉載，不得用於商業用途

一切需求請聯繫作者！

感谢参演CV们的倾情演绎：

（排名不分先后）

星煋  南宫~ 阿紫  左左

树下轻语  hallo是雨音呀~

特别鸣谢试本的小伙伴：

奈落落JM  南宫~

特别鸣谢独家“气球”音频支持：

作词人：JM

主唱：俞子恒.

同一段词里的不换人，对话对完！！

下一段，换人！！！

（00:08）

Bo~~

JM：欢迎收听由「粤讲越好」出品，墨岚ぃ原创作品，生活情感剧情歌《女人真係麻鬼烦》

左左：唔係啊嘛？你宜家先知女人麻鬼烦啊？喂~我同你讲啊……（被打断）

啊~~

JM：喂~大佬，我喺度录音，交紧功课俾岚姐啊，咪阻头阻势啦！！

左左：哎呀，你咪等阵先录咯……

搞怪音效

JM：喂~交紧啊，好急啊，你等阵先讲啦！

左左：哦哦，好好好，咁你继续啦~

JM：哎~真係服咗你！

叮~~

压音效

叮叮~

左左：老公啊，呢件衫靓唔靓啊？

啊~~~

右右：老婆啊，你唔好烦啦。

peng~

左左：老公啊，我想食车厘子啊，但係咁细粒嘅？

搞怪音效

JM：（发嬲）左左，你搞乜鬼啊你？係咪玩嘢啊？

左左：所以我咪话女人真係麻鬼烦咯！！

peng~~

JM：我服咗你啊真係……

叮

拍照

叮

换音效

（01:31）

绿茶：哎呀，大家都係同事，横掂你都冇嘢做，帮下手啦~

二叔公：都咁大个女了，点解仲唔拍拖噶？我话你知啊，女仔到咗呢D年纪，就好难搵人接盘噶喇。

三姑妈：都咁大个女了，点解仲唔拍拖噶？我话你知啊，女仔到咗呢D年纪，就好难搵人接盘噶喇。

四姨太：都咁大个女了，点解仲唔拍拖噶？我话你知啊，女仔到咗呢D年纪，就好难搵人接盘噶喇。

大肚婆；发鸡盲啊？！睇唔到我大住个肚咩？坐下你个位使死啊？男人老狗，家阵係咪企下都唔得先？

阿伯：冇睇到阿伯成支公栋喺度啊？诶~喂~~藕晒嘅？哎呀，阿伯生痔疮啊！！

大肚阿婆；发鸡盲啊？！睇到我大住个肚？踎低让个位使死啊？男人老狗，家阵係咪企下都唔得先？

大肚婆：哎~~佢细蚊仔嚟咋，你咁大个人同个细路有乜好计较喎？细路仔唔识世界就算啦，连你都咁计较？

右右：哎~~佢细蚊仔嚟咋，你咁大个人同个细路有乜好计较喎？细路仔唔识世界就算啦，连你都咁计较？

星妈：你呢，宜家喺北京啊~~一个月能赚多少钱噶？北京啲楼呢唔平噶喎，你买咗楼未啊？买咗几大啊？

树妈：计我话咧，你出去打工，仲不如留喺屋企啦，我听讲啊，你呢啲这些打工仔得闲死唔得闲病啊，日日早出晚归唔单止，仲好受气添噶，咧~~好似你啲臭脾气啊，成日俾老板柄吖咧？

（03:35）

搞怪音效

绿茶：你嚟得啱喇~部机D咖啡粉冲晒了，你过嚟帮手加下，我新做咗美甲，唔方便整啊。

单身姐：嗱~我呢杯啱啱冲好，你要饮，咪自己整咯，好简单嘎咋！

绿茶：大家同事一场，你帮下手啦~

单身姐：嗱～你D美甲洗咗几钱我就唔知喇，但係肯定冇我時薪贵，你仲想叫我帮你磨咖啡嘅话，自己计下条数，睇下可唔可以出得起粮畀我先讲啦。

绿茶：你周末可唔可以帮我加个班啊？我约咗条仔去街啊。

单身姐：咩啊？要加班你自己咪加够佢咯~关我咩事啊？

绿茶：哎呀，大家都係同事，反正你都冇嘢做，帮下手啦～

单身姐：难得休息放假，我净係想喺屋企瞓觉咯，我要点安排我自己D时间，都唔关你事囖~

绿茶：点解嗌咁多肉噶？我仲减紧肥~ 仲有呢个，咁辣会爆痘噶。全部咁油淋淋，点食啫~

单身姐：你话你懒，要我顺手帮你点埋果阵，问你食咩？你话乜都得啊嘛。

绿茶：咁你就唔可以再问我一次咩？呢啲我点食啊？

单身姐：我係你同事，唔係你保姆，冇义务喺度服侍你，你唔想点餸冇所谓，我可以顺便帮你点埋，点乜食乜，知道未？唔中意可以唔食。

绿茶：玲玲，你得唔得闲啊？嚟帮我睇下呢个要点搞？我唔係好明喔。

单身姐：你咁做唔得噶！要从头整过喇！

绿茶：哎呀，咁点算啊？梁总等唔切喇，不如…你帮我执执佢？

单身姐：啊？ 你自己嘢嚟噶喔，做唔到咪同老细讲囉。嗱即係咁，你唔识呢，我可以教你，不过就绝对冇义务帮你做嘅～

绿茶：哎呀，唔好咁小气啦，大家甘熟，你帮下手啦～

单身姐：闸住！你呢个要重头做过嘅，我真係帮你唔到啦。

杠精同事：嗰出戏你睇咗未啊？

打工仔：冇啊。

杠精同事：点解你仲未睇噶？我都煲咗3次喇！

打工仔：但我真係唔钟意咯。

杠精同事：乜你甘捞噶！成间公司就得你未睇咋！

打工仔：你咁得闲，你帮我睇多几次啦～

音乐起入，不用卡音效，走完切BGM03

大姑妈：玲玲，你都就嚟三张嘢啦，都唔见你带男朋友返嚟嘅？我同你讲啊，女仔到咗呢个年纪好难搵人接盘噶。

单身姐：係喎，大姑妈啊~阿表姐结咗婚大大话话都三年几了呵？点解仲唔生仔嘅？哎呀~我听人哋讲呢，年纪太大生仔好危险噶，不如你哋嚟广州，我帮佢介绍个专家睇下？

大姑妈：哎呀，咁又唔使，其实都唔係好急嘅啫。

单身姐：哦~我明了，表姐冇野，系吖姐夫要捡翻剂。

二姑妈：你宜家喺北京一个月可以赚几钱啊？北京D楼唔平噶喎，你买咗楼未啊？买咗几大噶？

单身姐：係喎，阿表哥係咪上个月俾公司炒鱿鱼啊？稳到工未啊？宜家好难稳嘢做噶，佢唔会喺屋企食谷种啊？不如我叫我嗰几个同学帮帮手，睇下边度有工开？

二姑妈：咁又唔使唔使，咁几麻烦呢。

单身姐：又係嘅，表哥能力咁强，月薪冇个二五八万，佢实睇唔上啦，当我冇问。

细姑姐：计我话啊，你出去打工，仲不如留喺屋企，我听讲，你哋呢啲打工仔，得闲死唔得闲病啊，日日早出晚归不单止，仲好受气添噶，咧~好似你D咁嘅牛臭脾气啊，成日俾老闆炳啊咧？

单身姐：又真係俾你讲中咗喎，我D脾气就真係要收敛下啦，跟住我揾食果廿几条友都几辛苦噶，你都知啦，宜家啲后生仔做错野打又唔打得，闹又唔闹得，万一佢哋顶唔顺要辞职点算？我上面仲骑住个老闟等我交功课噶。

大姨妈：北仔啊，呢次过年翻嚟住几耐啊？都唔见你带女朋友翻嚟嘅？

打工仔：就住几日咯，我如果带女朋友翻嚟，就係两个人翻嚟啦，点会得一支公喎？

大姨妈：北仔啊，你系男仔嚟噶，成日咁唔嗲唔吊点得噶。我见人哋好似你咁上下嘅都住洋楼养番狗啦，你得果两梳蕉以后点娶老婆啊？

打工仔：人哋买楼，係人哋已经买咗楼，我未买就係我仲未买楼。

大姨妈：你都唔细噶啦，准备几时拍拖啊？

打工仔：咪就係未有女朋友咯，有女朋友嗰阵自然就会拍拖啦。

大姨妈：不如，我叫琪琪介绍几个妹妹仔俾你识啦？

打工仔：哦~咁又唔使，琪琪识嗰啲得嘅，我又唔识，如果我识咗，咁就唔使琪琪介绍啦。

大姨妈：乜你哋D后生咁噶，硬係觉得你唔想同我倾计嘅。

打工仔：我都开口讲嘢了，肯定就係想倾计嘅，如果我唔想倾计嘅话，仲点会开口讲嘢喎。

大姑妈：咁大个人，做咩仲未拍拖啊？

打工仔：我冇拖拍咪因为你咯！！

大姑妈：你有冇拖拍关我咩事啊？

打工仔：係咯，我有冇拖拍关你咩事啊？

大姨妈：欣欣啊，你上边间大学噶？我见人哋都係985、211嗰D重点大学嚟嘅。

女大：我读嘅係大学，985、211嗰D重点大学都係大学嚟嘅啫。

大姨妈：咁你攞到奖学金未啊？

女大：肯定有攞奖学金嘅同学仔嘅，攞奖学金嘅同学仔都收到奖学金噶喇。

大姨妈：咁你毕咗业之后打算做咩啊？

女大：毕业之后要做嘅嘢毕咗业之后自然会去做嘅，宜家要做嘅都係学生应该做嘅嘢。

大姨妈：哼，宜家D后生仔真係半句都唔讲得噶。

女大：嗱~唔讲得嘅就自然唔讲得噶，马善被人骑，人善被人欺啊。

高铁站广播：各位尊敬嘅乘客，由广州南开往深圳北嘅动车G6067次列车即将开始检票。有乘坐动车G6067次列车嘅旅客，请前往24A检票口排队等候检票。

动车经过

叮~~~

（00:35）

（A拿着回家的高铁票，B买的是站票）

打工仔：阿姨唔该借歪（mie），呢度係我个位啊~

大肚婆：发鸡盲啊？！睇唔到我大住个肚咩？坐下你个位使死啊？男人老狗，家阵係咪企下都唔得先？

打工仔：呢位阿姐，我个位凭咩俾你坐啊？好嗱嗱声起身喇！

大肚婆：喂~你有冇搞错啊~睇唔到我大住个肚咩？

打工仔：冤有头债有主，你又唔係陀住我个仔，凭咩要我让个位俾你啊？

大肚婆：估唔到你好眉好貌生沙虱啊，我一个大肚婆坐下你个位又点喎？

打工仔：嗱，边个搞大你个肚，你就搵边个，关我咩事？点啊？第日你肚入面个苏虾出世系咪叫我老窦啊？定係认我做契爷先？

大肚婆：我~（打断入词~）

打工仔：我我我，我咩我啊？你个脑搭高铁走左啊？个位咧就係我真金白银买嘅，你算条铁咩？谂住扮凄凉搏同情霸住我个位啊？你都short short 哋嘅，你好声好气，誽我俾你坐阵就算啦，之但係你开口埋口讲到我好似应份实要俾你坐咁喎，你都憨居嘅，你当我系你哎呀老窦啊？

（瞬间变脸，假惺惺摆出一副可怜的样子）

大肚婆：哎呀~冇天理啊，见到大肚婆都唔让位啊~你哋话啦~我个肚都6个几月喇，俾我坐阵使死咩？你哋睇下佢~~牛高马大、好人好者，好心你就借个位俾我坐下啦，边有人好似你咁噶？眼白白睇住个大肚婆冇位坐都得嘅？

绿茶：后生仔，我睇你四肢发达，冇霖到你头脑简单啫，后生细仔脚骨力好，企下又唔使死嘅~同个大肚婆有咩好争啫！

杠精同事：哎~宜家D后生仔真係认钱唔认人啊，道德标准低到贴地，真係世态炎凉，人心不古咯！

大姑妈：计我话咧，人哋大住个肚又真係好唔容易噶，部车又咁多人，万一有咩三长两短边个负责先？你都係俾佢坐啦！

打工仔：呢位阿姨~我以为你老花先戴老花镜，原来你係戴住个眼镜框装假狗噶？你老味呢度係高铁唔係地铁啊~边个规定事必要让位噶？

大姑妈：说话就唔係咁讲喇，虽然我就唔识呢个姐姐，但係我都大过肚，我都知道陀住个肚真係好辛苦咯。

打工仔：既然你自己深有体会，咁俾个机会你让位俾佢。

（大姑默默坐着不说话）

打工仔：讲就天下无敌，做就有心冇力，唔讲仲以为你俾D502黐实咗添啊！

大姑妈：我我我~~~~我係年纪大咗D，企又企唔稳，似你咁后生嗰阵，我一早就让咗位啦~

打工仔：哎呀呀~真係识讲笑嘅啫，叫我让位就天经地义，自己做就头晕庆身？不过呢，我仲有计，我张飞呢就买咗600蚊，既然你咁钟意伸张正义，咁不如帮佢买低我张飞，你出钱我出力，大肚婆又唔使企响度，实会多谢你啦~简直係Kinder出奇蛋，一次过满足晒你三个愿望啦。点啊~？宜家傍水，我即刻行开！

（孕妇看向大姑）

大姑妈：我？我边有钱啊？就算有啊，我点解要帮佢俾啊？

打工仔：做咪啊？你估做菩萨咁过瘾啊？有姿势，冇实际？颁个奖俾你好冇？你哋唔肯出钱，就唔好喺度闸乱戈柄喇。（指住大肚婆讲）仲有你啊~？仲嘚响度？快趣D行开啊！

大肚婆：乜你个人咁噶？换位思考下~如果你老婆一个人顶住个肚自己搭车，冇人让位，你点谂啊？

打工仔：如果我老婆真係大住个肚，我实唔会俾佢自己一个人出嚟搭车咯，佢去边我跟住去边啊，仲一定会买有座位嘅飞啊。不过你又真係惨咗D，都6个几月，你老公都唔睇实你嘅？唔好话要买商务座啦，连个二等座都唔买俾你，呢D男人执到都喊三声啊。

大肚婆：我话知你啊，总之我係大肚婆，你就要让位俾我坐，你呢个位我坐梗噶喇，你敢喐我试下？如果我bb有D咩三长两短，我同你搏命啊。

（打工仔叫来了乘务员，并说明情况，当场核实车票）

乘务员：呢位女士，你好，麻烦你翻去自己个位度啊!

大肚婆：连你呢D二打六都走过嚟虾我？唔通我有位坐都唔坐咩？最衰都係你哋啊，明知咁多人，又唔开多几节车厢，搞到我买唔到飞，我係大肚婆嚟噶，唔通你要我企到翻总站啊？嗱~万一我bb有咩三长两短，我睇你点孭飞！

乘务员：呢位女士，呢个座位吉住嗰阵你随时可以坐，但係宜家买咗飞嘅乘客上咗车，你就要离开座位了。

大肚婆：我宜家大住个肚噶，我好辛苦啊，我一定要坐住先得噶。

乘务员：如果你有需要，我可以带你去餐车，嗰边有空位可以坐。

大肚婆：我先唔过去啊，餐车好大阵徐啊，我闻到想作呕啊。

乘务员：根据国家发改委规定，对于乘客霸占座位，严重扰乱车厢秩序嘅行为，可能会被列入铁路征信体系嘅黑名单。

大肚婆：（怒火）咩啊？咩黑名单啊？你吓鬼啊？

乘务员：唔好话我冇提醒你，列入黑名单之后，你将会冇法乘坐火车、高铁，而且你宜家嘅行为已经涉嫌违法，严重嘅话可能会面临行政处罚。

（孕妇不甘心，可又害怕承担霸座的后果，只得站起身来）

大肚婆：额~算了算了，餐车咪就餐车咯~

乘务员：OK，你跟我嚟！

（2个钟后，后排个百厌星乱踢座凳拼peng）

单身姐：小朋友坐好啲，唔好再踢我张凳喎。

百厌星：吹咩～我就踢，踢死你，略略略~ 你吹得我涨咩？

孩子妈：哎~~佢细蚊仔嚟咋，你咁大个人同个细路有乜好计较喎？细路仔唔识世界咪将就下咯，牛高马大虾个细路。

单身姐（ OS ）：果然慈母多败儿，其他人纵你啫，我唔奉陪。

单身姐：你都知你个仔唔识世界啊？所以你哋屋企系冇人教咩？

孩子妈：乜你咁讲嘢噶？佢先得个5岁呀，唔通你细个冇着过尿片啊？咁大个人同个细路斤斤计较？真系犀飞利，再讲啦，高铁又唔系你屋企嘅，我哋都系买咗飞噶！你凭咩讲三讲四？

（听到孩子妈炸裂三观嘅发言，单身姐都懒得再讲废话，行到百厌星后排嘅座位）

单身姐：靓仔，唔好意思，阻你一阵，可唔可以畀我坐下你个位？几分钟就得！多谢晒！

打工仔：得啊，好闲啫，啱好我起身松下筋骨。

（讲完，单身姐就喺孩子妈嘅座椅后面踢咗起嚟）

孩子妈：乜系你？你踢我张凳做乜嘢？

单身姐：我仲系个细路仔啊，你咁大个人，同细路都斤斤计较咩？我唔识世界，你又唔识啊？

打工仔：哈哈，啱喔～ 300个月咁大嘅细路都系细路。

孩子妈：你系咪黐线啊？

单身姐： 哈哈，估唔到我啱啱出院第二日就畀你发现咗？ （摞起电话）喂~ 陈医生啊~ 我有精神病嘅事被人发现咗，出门冇带药点算？有个细路一直踢我凳拼，佢条粉肠仲要喺我面前阿吱阿咗，我就嚟控制唔到我自己喇，不如我劏晒佢地。

（打工仔见到单身姐戏精上身，瞬间开始配合）

打工仔：姊妹，冷静啊~ 你仲后生，千祈唔好行差踏错。

单身姐：唔得，嗰条粉肠系咁踢我凳拼，我冷静唔到咯。

打工仔：阿姨，你快啲睇住你个仔喇，你同个精神病斗咩啊？佢摞正牌劏人噶，你有十条命都唔够死啊。

（听到呢度，孩子妈都开始担心喇）

孩子妈：唔好再踢凳，再踢，我脚都殴跛你。

单身姐：兄弟，啱啱嘅事，多谢晒啊~

打工仔：（ OS ）果然恶人自有恶人磨，遇到耍无赖嘅人⋯⋯嗯，就要比佢更无赖。