《爱情嘅回南天》

CV南宫：爱情係一阵迎面而来嘅春风，係一场来自广东嘅阵雨，係一池随意流淌嘅湖水，穿过我哋嘅每一寸肌肤，然后继续生长。

00:47风铃

春风：爱情係一阵迎面而来嘅春风，唔係问候，係首先吹乱你额前嘅碎发，再帮你将心事翻出来晾一晾。

小雨：爱情係一场来自广东嘅阵雨，冇预报，冇预兆，你啱啱话"唔使带遮"，成条街就已经湿咗。

湖水：爱情係一池随意流淌嘅湖水，唔使守约，唔使守岸，从石凳嘅罅隙流出嚟，淋湿拖鞋，盖过奶茶杯底，浸过你唔在意嘅脚背。

雨露：佢穿过我哋嘅每一寸肌肤，好似湿热嘅风钻入衬衫领口，又好似露珠贴喺锁骨上唔肯滑落去。

夏霜：喺你话："我先走啦"之后，嗰句未讲完嘅："路上小心"始终喺我心入面生长。

  01:57水滴

春风：你知唔知，春风过后，树会忘记风。

小雨：但係广东嘅雨唔会忘记，佢落完一场，又兜去另一座城市；今日喺福建，听日就到浙江。

02:17海浪

湖水：湖水都好有趣，佢流到边度都好似喺度揾紧同一条江河咁，喺我呢边叫珠江，喺你嗰头叫长江。

雨露：我哋都一样，被吹起过、淋湿过、浸泡过，仲以为自己只係路过。

夏霜：其实唔止路过，係春风认得嘅模样，阵雨记得嘅街角，湖水认得嘅脚背，而我仲记得，你湿住头发话"好烦啊又落雨"嘅样。

  03:02风声

春风：风会继续吹，雨都会继续落，水仲会继续流动。

夏霜：而我哋，会继续喺广东嘅天气入面，生长出一种莫名嘅欢喜。

花蕾：你喺度，我哋过住天上嘅时间；你唔喺度，我哋算住人间嘅日子；目之所及万物皆係你。

渡雪：你离开，风里藏住未寄嘅信；你归来，雨里落下重逢嘅印记；心之所向朝暮都挂念你。

CV墨岚：你问爱情有冇回南天，我答唔到你，我剩係知道，佢起初似一阵迎面而来嘅春风。

CV南宫：我唔係嚟问路噶。我只係路过，啱好见到你企喺巷口，头发丝畀我吹乱咗。

04:22脚步

渡雪：你成日都係咁，唔打招呼就突然出现。

春风：爱情本来就係毫无预兆。一嚟先吹乱你嘅碎发，再将你埋藏喺衣领嘅心事翻出嚟，晾喺太阳底下。

夏霜：你睇，佢就係咁唔讲道理。唔讲道理得嚟，又令人冇法抗拒。

阵雨：爱情亦係一场突如其来嘅阵雨。呢边啱啱开始落，对面岸仲係天气晴朗，连天气预报都只能够天气乱报。

  05:03落雨

阵雨：爱情唔需要预报。佢想落就落，想停就停。佢将你困喺骑楼底，将成条街都洗到蜡蜡令。

渡雪：我啱啱话唔使带遮，件衫就湿晒。

阵雨：咁就使挡喇。等雨落喺你嘅眼睫毛上，落到你手背嘅青筋上，落喺你扮唔在意嘅膊头上。

夏霜：佢穿过我哋嘅每一寸肌肤。体感温度係凉嘅，但心入面係热辣辣嘅。

05:44鸟叫

湖水：后来，爱情变成咗一池随意流淌嘅湖水。佢唔守规矩，浸过堤岸，盖过石板路。

花蕾：我唔守规矩。我从你嘅窗台流入客厅，从你嘅茶杯流进梦中。我浸湿你嘅拖鞋，泡过你随手放落地下嘅书。

渡雪：佢甚至盖过我嘅呼吸。不声不响，又无处不在。

夏霜：你以为佢只係路过，其实佢已经渗入咗你脚下每一寸嘅泥土，然后继续生长。

  06:34搅拌

夏霜：爱情嘅回南天，咪好似宜家一样咯。

花蕾：佢就喺阳台角落入边生长霉斑，喺嗰杯放冻咗嘅凉茶入边，喺上班高峰地铁嘅玻璃上。

渡雪：喺我哋挨埋一齐时嘅倒影入边。我转身话"我先走啦"，你却下意识想伸手拉住我，又缩返转头嘅嗰半秒度。

春风：佢变成咗一张旧车票，佢变成咗一串生锈嘅锁匙，佢变成咗你手机入面，嗰个永远唔会打出去嘅号码。

07:20写字 

小雨：爱情冇上过地理课，唔知我哋掌心嘅距离；但我哋嘅心知道，每一个恰似你嘅瞬间，你嘅心跳声就喺我耳边。

CV南宫：如果爱情有形状，你觉得係咩？

CV墨岚：我霖佢大概係圆形嘅。冇起点，亦都冇终点。

07:59快门

渡雪：我觉得爱情似水。因为点扼都扼唔紧，点抓都抓唔住。

湖水：你越想扼紧，佢流失得越快。但当你摊开手，佢反而安安静静咁喺你嘅掌纹入边。

夏霜：咁我哋算咩？

花蕾：我哋係被风吹过嘅人，亦都係被雨淋过嘅人。係被湖水浸过脚背，却边个都唔肯先开口讲"好冻"嘅人。

  08:30滴水

小雨：你知道吗，喺广东有一种天气叫回南天。墙壁会流泪，全身镜会起雾，连空气都拧得出水。

渡雪：爱情就好似回南天。佢唔讲道理咁蔓延，令所有坚硬嘅嘢都变得柔软，让所有干燥嘅心事都长出青苔。

夏霜：咁我哋就係嗰幅被水汽覆盖嘅墙面。表面斑驳，内里就湿粒粒，全部都係活着嘅证据。

  09:09炒菜

夏霜：有时候，爱情很具体。比如清晨厨房里，你煎蛋嗰阵油星溅到手背，你揈着手话“好辣”。

渡雪：比如黄昏嘅阳台上，你晾衫嗰阵，衣架勾住咗我嘅头发，我哋都冇行开，就咁企咗好耐。

夏霜：比如半夜醒来，发现你将成张被全卷走咗，剩低一对冻冰冰嘅脚仔放喺我身上。

  09:44切菜

CV南宫：呢啲都算係爱情咩？

CV墨岚：呢啲先係爱情。唔係春风，唔係阵雨，唔係湖水。

CV南宫：咁係咩嚟？

CV墨岚：係日子。係柴米油盐里面，嗰啲不声不响嘅、生长喺我哋骨子里边嘅嘢。

10:22风声

渡雪：如果有一日，风唔再吹，雨停低咗，湖水都干涸埋，咁点算？

夏霜：咁爱情就换另一种模式喇。等佢变成你柜筒入边未开封嘅陈皮，越放越陈，越陈越香。

渡雪：佢变成你书架上嗰本翻旧咗嘅书，喺某一页夹住一片干枯嘅落叶，叶脉清晰到好似我哋嘅掌纹。

夏霜：佢变成你某日行喺街上，突然闻到一阵熟悉嘅气味，停低脚步，回头却只係望见满树繁花。

渡雪：而我哋係被春风记住嘅人，被阵雨洗过嘅人，被湖水认领过嘅人。

花蕾：亦都係喺漫长嘅岁月入边，彼此长成对方一部分嘅人。

  11:23时钟

小雨：旧式挂钟嗰条行得最慢嘅时针。佢一啲都唔赶时间，佢一啲都唔急。一格一格咁，慢慢继续自己的轨度。

春风：爱情有时候就係嗰条慢吞吞嘅时针。唔喧哗，唔催促，就喺嗰度，一格一格咁，将时间行成咗日子，将日子变成为岁月。

  11:53相机

湖水：仲有嗰张即影即有嘅相。相纸从相机入边出嚟嘅时候，漆黑一片。等佢慢慢显影，从一片模糊到逐渐清晰。

阵雨：照片唔发声，但佢记得。记得嗰日嘅光，嗰日嘅风，嗰日快门揿落去嘅时候，对方眼入面嘅光。

  12:18心跳

雨露：世界突然好安静。静到听得见自己嘅呼吸声，听得到对方转身时床单嘅摩擦声，听得见远处一只唔知咩雀仔嘅叫声。

春风：风停咗，但佢嚟过。就似有啲人，行开咗，但痕迹仲喺度。唔係伤口，係风经过嘅时候，留低嘅嗰阵凉意。

  12:53开灯

小雨：深夜嗰盏仲着住嘅路灯。唔知係咪有人唔记得熄咧？周围剩低佢一盏仲着住。

阵雨：光打喺地面上，形成一个唔大唔细嘅、孤独嘅光圈。佢唔係想照亮成个世界，佢只係照亮脚下呢一小段路。我哋嘅爱情就好似呢盏路灯咁，只为你照亮我哋脚下嘅每一步。