【粤语】白苒上神

旁白：好耐好耐以前，彼岸花系雪白雪白嘅，象征住复活。往生嘅人如果有幸可以喺黄泉路上见到彼岸花开，就有选择生死嘅权利。

闪回

白苒：孟婆，你知唔知彼岸花吖？

孟婆：彼岸花？唔就系嗰啲咩？

白苒：但系嗰啲同记载入面嘅唔一样喔。

孟婆：有咩唔一样吖？

白苒：根据《浮生若梦》记载，彼岸花唔系应该系白色嘅咩？

孟婆：白色彼岸花嗰啲净系传说咋。

白苒：（喃喃自语）传说……

白苒：司命，你以前有冇见过白色彼岸花开吖？

司命：白苒上神，白色彼岸花净系传说嚟啫，我都系听我父神讲过啫，传说话只系为有缘人开嘅，我父神有幸见过一次，都只不过系花开花落嘅一瞬间……

白苒：孟婆话嗰只系传说，你都话只系传说，但系你父神见过，噉就唔止系传说喇！

司命：你想揾白色彼岸花？为咗佢？

白苒：（喊）司命，嗰系我嘅亲骨肉，嗰系我嘅仔，我唔可以眼睁睁噉睇住佢……

司命：可系佢本来就唔应该喺呢个世界出现，你有冇谂过，佢复活咗嘅话，可能会引嚟浩劫，到时候就算天帝放过你，放过你嘅仔，天道都唔会允许嘅。

白苒：但系司命，我系一位母亲，如果我连为佢争取都唔肯，噉呢个世间又有边个会为佢争取一丝生机吖？千错万错都系我嘅错，系我唔应该…… 系我唔应该……

司命：但系呢唔止系你嘅错，都系……

白苒：司命，你应该知道，我同佢都只不过系一场梦咋！既然佢已经忘记咗，噉就等佢忘记啦！个仔系我嘅，我嘅错唔应该惩罚个仔，司命…… 你明唔明吖？

司命：白苒上神，既然系一场梦，噉就喺梦里面有个好嘅开始同埋结束啦！唔好……

白苒：司命……

司命：听我父神讲佢系喺彼岸石嗰度见到嘅。

白苒：司命…… 多谢你！

冥：系边个敢擅闯地府？

白苒：冥，系我。

冥：苒苒，点解系你吖？冇伤到你吖嘛？

白苒：冇。

冥：你系咪挂住我喇？

白苒：（打断）冥，我想借彼岸石。

冥：你借佢嚟做咩？佢…… 唔系咩好嘢嚟嘅。

白苒：我想揾白色彼岸花。

冥：白色彼岸花净系个传说啫……

白苒：司命讲过佢父神见过，难唔成你冇见过咩？

冥：苒苒，你应该知道白色彼岸花只系为有缘人开嘅，你就算攞到彼岸石都未必可以见到白色彼岸花开。

白苒：就算净系得一丝生机，我都要试下。

冥：你想救邢炎？可系佢已经唔记得你喇

白苒：唔系，我同佢已经各自安好喇，我… 我想救… 我嘅仔。

冥：你… 嘅仔？你已经有咗魔胎？

白苒：（微怒）嗰系我嘅仔！

冥：嗰可系魔胎嚟吖，你点解可以咁样？你点解可以唔理天下嘅死活吖？

白苒：冥… 佢就算系魔胎都系我嘅仔吖……

冥：苒苒… 佢喺呢个世界出现会带嚟无法预知嘅浩劫，你确定要为你嘅仔赌上全世界咩？

白苒：冥… 可系佢系我嘅仔吖… 我嘅仔吖……

冥：苒苒，世间万物都有因果嘅，你又使乜咁执着吖？

白苒：系吖！但系我……

冥：苒苒… 就算我想帮你我都冇办法，彼岸石消失咗… 喺上一次白色彼岸花开嘅时候，随着花谢就消失咗……

白苒：孟婆，你见过彼岸石吗？ 碗落地的声音

孟婆：真系可惜咗呢一碗孟婆汤喇。见过啦！你都见过……

白苒：孟婆… 噉你知唔知道彼岸石喺边吖？

孟婆：随着白色彼岸花落就消失咗……

白苒：噉你仲记唔记得上一次白色彼岸花系点解会开嘅咩？

孟婆：为咗你吖… 苒苒… 你最终… 都系逃唔过呢场浮生梦吖……

闪回

白苒：如孟，你知唔知忘川水吖？

孟婆：苒苒，系咪发生咗咩事吖？

白苒：只不过系一场梦咋，忘记咗就忘记咗…

孟婆：（哭腔）但系你知唔知，呢个忘川水可以忘记嘅唔止系呢场梦啊！你真系糊涂吖！

白苒：可能都只有呢个忘川水先可以忘记呢场浮生梦喇！

孟婆：浮生梦系劫难都系缘分！算喇算喇… 忘川水喺忘川河，去吧！渡过呢条忘川河就唔好回头喇……

孟婆：苒苒… 渡过呢条忘川河，饮咗忘川水之后就冇如孟喇，净系得孟婆！去吧！

白苒：如孟！

孟婆：孟婆可只有孟婆汤哦！

岁月中的你

相识的脸颊

我却错过 你年华

闪回

冥：苒苒…（愤怒）你让开，你点解唔阻止佢？你唔知……

孟婆：（哭腔）冥！你受伤喇，我嚟帮你疗伤……

冥：如孟，我已经同你讲过就算冇苒苒，我同你都系冇可能嘅，可你点解仲要噉对待苒苒吖？苒苒当你系亲人噉睇嘅，你点可以？

孟婆：哈哈哈…… 原来喺你心里面，我竟然系咁样心肠歹毒嘅人，曾经以为你知我懂我，依家睇嚟系我妄想咗喇！

冥：苒苒，你醒醒！你醒醒！你唔可以… 对…… 仲有得救！彼岸石！白色彼岸花！一定仲有得救！

孟婆：冥！你系咪打算唤醒白色彼岸花？你有冇谂过后果吖？你承受得住呢个天罚咩？

冥：对！白色彼岸花！只要唤醒彼岸石，令佢开出白色彼岸花，一切都仲嚟得切！

孟婆：冥…… 呢系佢嘅选择，你点解唔可以尊重佢嘅选择吖？

冥：噉你点解唔可以尊重我嘅选择吖？点解？

孟婆：噉好！我尊重你嘅选择！都希望你尊重我嘅选择！冥！彼岸石需要养分先可以开出白色彼岸花，而忘川水就系最好嘅养分，我系忘川水泉眼，我可以……

冥：苒苒，你点解又嚟到孟婆呢度吖？

白苒：孟婆话佢见过白色彼岸花，我想……

冥：你谂起返喇？

孟婆：过去嘅嘢就等佢过去啦！唔好执着于过去嘅事！

冥：你……

孟婆：阎王系咪有事吖？

冥：白苒，彼岸花净系传说… 佢未必可以畀你个仔一丝生机。

白苒：冥！冇试过又点知唔得吖？

冥：苒苒…… 世界万物都有因果嘅，缘分到就出现，缘分冇就消失，你又使乜同天道争输赢吖？

白苒：冥！难唔成天道就一定啱咩？

冥：苒苒……

白苒：孟婆……

孟婆：姑娘…… 孟婆只有孟婆汤，你可唔可要嚟一碗？

白苒：孟婆！我唔要孟婆汤，我要白色彼岸花，我要彼岸石。

孟婆：白色彼岸花花开就花落，缘分嚟就缘分走，一切都睇缘分！

小孩：婆婆… 婆婆…，佢系边个吖？点解对婆婆你咁凶吖？应该打佢！

孟婆：（慈笑）嗰系你娘亲。

小孩：婆婆，我几时先可以幻化成大人吖？

孟婆：等缘分嚟等缘分走…